«Յուքոմ» ընկերությունն այսօր՝ օգոստոսի 30-ին, ունեցել է շարժական կապի եւ ֆիքսված ծառայությունների հետ կապված խնդիր:

NEWS.am-ին ընկերության մամուլի ծառայությունից պարզաբանեցին, որ ֆիքսված կապի ծառայությունները շատ կարճ ժամանակահատվածում վերականգնվել են, իսկ շարժական կապի ծառայությունները սկզբում 3G մակարդակով են վերականգնվել, կես ժամ անց էլ՝ 4G մակարդակով.

«Այժմ հնարավոր է՝ տեղ-տեղ որոշ բաժանորդներ խնդիրներ ունենան կապի հետ կապված, բայց հիմնական խնդիրը լուծված է»,- նշեց ընկերության մամուլի ծառայությունից:

Անդրադառնալով մեդիափորձագետ Սամվել Մարտիրոսյանի այն հրապարակմանը, որ որոշ բաժանորդների մոտ կապը անսպասելիորեն փոխվել է «Թուրքսելի», ընկերությունից ասացին.

«Հրապարակմանը ծանոթ ենք, սակայն մենք բաժանորդներից նման ահազանգ չենք ստացել, հիմնական մտահոգությունը եղել է ինտերնետի բացակայությունը: Պետք է նայել, թե որ հեռախոսահամարներն են միացել ոչ մեր ցանցին, եւ տարածաշրջանային առումով՝ որտեղ են գտնվել: Եթե ռոումինգն ակտիվացված է եղել, ապա հեռախոսը միշտ փնտրում է ցանց, եւ կարող է միանալ առաջին իսկ հզոր ցանցին»:

Ucom որոշ բաժանորդների մոտ կապը անսպասելիորեն փոխվել է թուրքսելի. Սամվել Մարտիրոսյան