Ռուս խաղաղապահները Լեռնային Ղարաբաղում սխրանք են գործել, կանգնեցրել են արյունալի պատերազմը, ընդ որում, արեւմտյան երկրներից այդ առաքելությունը կատարել ցանկացողներ չեն եղել։ Այս մասին «ՌԻԱ Նովոստի»-ին հայտնել է ՌԴ Դաշնային խորհրդի միջազգային կոմիտեի ղեկավարի առաջին տեղակալ Վլադիմիր Ջաբարովը։
«Կարծում եմ՝ մեր խաղաղապահները սխրանք են գործել, կանգնեցրել են արյունալի պատերազմը 2020 թվականի նոյեմբերին։ Բայց դա չէին ցանկանում ո՛չ ամերիկացիները, ո՛չ ֆրանսիացիները։ Եթե չլինեին մեր խաղաղապահները, այնտեղ մարդկային մեծ ողբերգություն տեղի կունենար»,-ասել է նա։
Հայաստանի վարչապետ Նիկոլ Փաշինյանը Politico-ին տված հարցազրույցում կարծիք է հայտնել, որ ռուսական խաղաղապահ զորակազմը չի կատարել ԼՂ-ում իր առաջադրանքը։