Քենիայում ձերբակալվել է ինքնակոչ փաստաբանը, ով, ըստ տեղեկությունների, շահել է իր բոլոր 26 գործերը՝ չնայած իրավաբանական կրթություն բացակայությանը:
Բրայան Մվենդա անունով տղամարդը մեղադրվում է Բրայան Մվենդա Նթվիգա անունով իսկական փաստաբանի ինքնությունը գողանալու մեջ, հայտնում է BBC-ն։
Տեղական ԶԼՄ-ների տվյալներով՝ ինքնակոչ փաստաբանը Քենիայի տարբեր դատարաններում շահել է իր բոլոր 26 գործերը՝ չնայած իրավաբանական կրթություն չունենալուն:
Տղամարդուն ձերբակալել է Քենիայի իրավաբանական միության Նայրոբիի մասնաճյուղի արագ արձագանքման թիմն այն բանից հետո, երբ նրա գործն առաջացրել է հասարակության վրդովմունքը, և մասնաճյուղը ստացել է բազմաթիվ բողոքներ:
Ենթադրվում է, որ նա մուտք է գործել հասարակության պորտալ և կեղծել նույն անունով անձի հաշվառման տվյալները, որից հետո վերբեռնել է իր լուսանկարը և պնդել, որ իրավաբանական կրթություն ունի:
