Վրաստանի իշխող «Վրացական երազանք» կուսակցության նախագահ Իրակլի Կոբախիձեն հայտարարել է «Սահմանադրության հերթական խախտման» դեպքում նախագահի հնարավոր քրեական պատասխանատվության մասին, գրում է «Նովոստի Գրուզիան»։
«Ինձ համար հիմա դժվար է իրավաբանորեն պատասխանել, բայց Սահմանադրական դատարանի որոշման լույսի ներքո Սահմանադրության հետագա խախտումները կարող են արդեն իսկ քրեական հանցագործության նշաններ ունենալ», - ենթադրել է Կոբախիձեն:
Ի պատասխան՝ Զուրաբիշվիլին հայտարարել է, որ իրեն չեն վախեցնի. «Ինչպե՞ս եք մտածում վախեցնել ինձ՝ Նիկո Նիկոլաձեի հետնորդին, ի՞նչը պետք է ինձ ստիպի հեռանալ այս երկրից, հույս մի՛ դրեք դրա վրա»։
Նիկո Նիկոլաձեն Սալոմե Զուրաբիշվիլիի նախապապն է։ Հրապարակախոս, մանկավարժ և հասարակական գործիչ՝ Փոթիում ծովային նավահանգստի հիմնադիրն ու վրացական երկաթուղու կառուցման նախաձեռնողը։