Իրանը պատրաստ է աջակցել հայկական շինարարական ընկերությունների մուտքին իր շուկա: Այս մասին Երեւանում հայտարարեց Իրանի ճանապարհների եւ քաղաքաշինության նախարար Մեհրդադ Բազրփաշը։
Բազրփաշը հոկտեմբերի 23-ին մասնակցել է Իրանին սահմանակից Ագարակ քաղաքից մինչև Քաջարան քաղաք (32 կմ) Հյուսիս-Հարավ ավտոմայրուղու ամենահարավային հատվածի կառուցման պայմանագրի կնքմանը։
Ինչպես նշել է նախարարը, Իրանում իրականացվում է 4 մլն բնակարանների կառուցման մեգանախագծ։
«Մենք առաջընթաց ենք գրանցում տնտեսության մեջ, մասնավորապես շինարարության ոլորտում, պատրաստ ենք աջակցել հայկական ընկերություններին, որոնք ցանկանում են մեզ հետ կառուցել բնակելի շենքեր և ճանապարհներ»,- ասել է Բազրպաշը։
Իր հերթին, իրանական ընկերությունները, ըստ նրա, շահագրգռված են Հայաստանի կառավարության կողմից դպրոցների և այլ հասարակական շենքերի (ամբուլատորիաներ, մանկապարտեզներ և այլն) կառուցման մասշտաբային ծրագրերին մասնակցելու հարցում։
«Մենք պայմանավորվեցինք հետադարձ կապ հաստատել նման նախագծերի քննարկման համար»,- ասաց նախարարը։
Հիշեցնենք, որ Քաջարան-Ագարակ հատվածում աշխատանքները կիրականացվեն Abad Rahan Pars եւ Tunnel Sadd Ariana ընկերությունների իրանական կոնսորցիումի կողմից։ Նախկինում այս ընկերություններից երկրորդը, նույնպես մրցույթի միջոցով, Հայաստանի և Վրաստանի միջև սահմանային նոր կամուրջ է կառուցել՝ Բագրատաշեն և Սադախլո անցակետերի միջև, որը շահագործման է հանձնվել 2022 թվականի օգոստոսին։
