«Խաղաղության խաչմերուկ»-ով որեւէ մեկը որեւէ մեկին որեւէ բան չի հանձնում, կլինեն բաց ճանապարհներ, կլինի առեւտուր, ՀՀ տնտեսությունը կզարգանա եւ վերջիվերջո, մենք կունենանք խաղաղություն: Այս մասին այսօր՝ հոկտեմբերի 27-ին, ԱԺ բակում լրագրողների հետ զրույցում նշեց ԱԺ նախագահ Ալեն Սիմոնյանը:
Ինչ վերաբերում է նրան, թե ովքեր են վերահսկելու ճանապարհները, քանի որ Ադրբեջանը կարող է այդպիսի նկրտումներ ունենալ, Ալեն Սիմոնյանն ասաց. «Ինքը թող իր տարածքում անցակետեր դնի, մենք մեր տարածքում անցակետեր ունենք, դեռ զարգացնելու ենք: Չեմ բացառում, որ վարչապետի ելույթից եզրակացություն անելով, Թուրքիայի հետ մեր հարաբերություններում, սահմանում, շատ հնարավոր է՝ ինչ-որ դրական տեղաշարժ լինի մոտ ժամանակներում»,-ասաց նա՝ հավելելով, որ դա ասում է հիմնվելով արվող հայտարարությունների եւ գործողությունների վրա, սահմանին լարվածության նվազման վրա: