Մի հատ կասե՞ք այդ ինչ է ձեզ հայտնի Իրանի հետ կապված, որ մենք չենք արել և առաջընթաց չկա։ Այս մասին, այսօր՝ նոյեմբերի 3-ին, ԱԺ-ում 2024-ի բյուջեի նախագծի քննարկման ժամանակ նշեց Հայաստանի ԱԳ նախարար Արարատ Միրզոյանը՝ անդրադառնալով «Հայաստան» խմբակցության պատգամավոր Քրիստինե Վարդանյանի հարցին, թե ինչո՞ւ Իրանի հետ անվտանգության ոլորտում համագործակցության կոնկրետ առաջարկները, որ վերջին երեք տարիներին կոնկրետ ու հստակ հնչեցվում են Իրանի կողմից որեւէ առաջընթաց չեն գրանցում Հայաստանի կողմից:
«Ձեզ վստահեցնում եմ՝ Իրանի հետ մենք ամենօրյա երկխոսության մեջ ենք, կարծում եմ՝ ոչ մենք, ոչ էլ մեր իրանցի գործընկերները կհամաձայնեին Ձեր այդ դիտարկման հետ»,-ասաց նա:
