News
Լրահոս
News
Ուրբաթ
Ապրիլ 19
Տեսնել լրահոսը

Խոշոր ծովային գիշատիչներն այնքան էլ հարմարված չեն մեծ խորություններում կյանքի համար, բայց հենց այստեղ են նրանք անցկացնում իրենց ժամանակի մեծ մասը: Այս մասին գրում է PNAS ամսագիրը։

«Հայտնի է, որ նրանք սուզվում են այնտեղ՝ ավելի շատ սնունդ հայթայթելու համար: Սակայն, ինչպես պարզել է գիտնականների միջազգային խումբը, սուզվելը օվկիանոսի մթնշաղի գոտի և նույնիսկ ավելի խորը տեղի է ունենում նաև այն ​​ժամանակաշրջաններում, երբ այնտեղ մանր ձկներ և խեցգետնակերպեր չկան:

Ծովային գիշատիչները, ինչպիսիք են շնաձկները կամ թյունոսները, օվկիանոսի վերին շերտերի բնակիչներ են: Սակայն, Օվկիանոսագրական ​​ինստիտուտի (ԱՄՆ), Օքլենդի (Նոր Զելանդիա), Ազորյան կղզիների (Պորտուգալիա), թագավոր Աբդալլահի (Սաուդյան Արաբիա) և այլ գիտական ​​կազմակերպությունների գիտնականները ցույց են տվել, որ այս ձկները ավելի շատ ժամանակ են անցկացնում ավելի մեծ խորություններում այսպես կոչված օվկիանոսի մթնշաղի գոտում, որը գտնվում է մակերևույթից 200-ից մինչև 1000 մետր խորության վրա և նույնիսկ շատ ավելի ցածր), քան նախկինում ենթադրվում էր»,- նշում է պարբերականը։

Գիտնականներն օգտագործել են 344 էլեկտրոնային տվիչների և հիդրոտեղորոշիչի տվյալները, դրանց միջոցով հետևելով  Հյուսիսային Ատլանտիկայում բնակվող գիշատիչ ձկների 12 տեսակի: Դրանց թվում էին սպիտակ, վագրային և կետային շնաձկները, դեղնափետուր թյունոսը, թրաձուկը և այլն: Սարքավորումները ցույց տվեցին, որ գիշատիչներն ամեն օր իջնում են  օվկիանոսի խորջրյա գոտի, որտեղ ապրում են հսկայական քանակությամբ մանր ձկներ և այլ ծովային օրգանիզմներ: Այնուամենայնիվ, նրանցից շատերը գիշերը ջրի երես են դուրս գալիս կերակրվելու համար: Այս ամենօրյա ռիթմը կոչվում է ցերեկային  ուղղաձիգ միգրացիա, որը լավ հայտնի է գիտնականներին։

Այդուհանդերձ,  հետազոտողները պարզել են, որ շատ խոշոր գիշատիչների տեղաշարժերը դեպի խորություն, շեղվում են այս օրինաչափությունից: Միայն թրաձուկն է հստակ հետևում իր զոհին։ Բայց նույն ձուկը, ընդամենը 500 մետր սուզվելու փոխարեն, որտեղ ապրում է իր բազմաթիվ «ճաշը», սուզվում է մեկ կամ նույնիսկ գրեթե երկու կիլոմետր խորության վրա։ Այդպիսի խորություններում ընդհանրապես լույս չկա և ահավոր ցուրտ է. ջրի ջերմաստիճանը մոտ է սառցակալմանը և անհյուրընկալ է մակերևութային ջրերում ապրող համեմատաբար ջերմասեր տեսակների համար։

Այս ամենը նշանակում է միայն մեկ բան՝ ձկները սուզվում են խորքերը ոչ միայն այն պատճառով, որ ուզում են ուտել։ Ուրեմն, ինչի՞ համար: Այս հարցի պատասխանը հեշտ չէ գտնել։ Գիտնականները ենթադրում են, որ գիշատիչները այդպիսով փախչում են այլ, ավելի խոշոր գիշատիչներից: Եվ, միաժամանակ,  նման տեղաշարժերը կարող են նաև օգնել նրանց ավելի լավ կողմնորոշվել օվկիանոսում:



!
Այս նյութը հասանելի է նաև   Русский
Տպել
Կարդացեք նաև
Ամբողջը
FIA. Գիտնականները սովորեցրել են շներին հոտոտելով ճանաչել PTSD ունեցող մարդկանց
PTSD-ն սովորաբար զարգանում է մարդկանց մոտ՝ կապված աղետալի իրադարձության կամ իրադարձությունների...
Ավստրիայում խոհարարական հեռուստաշոուի ժամանակ պատահմամբ պատրաստել են ձկան անհետացող տեսակ
Եթերում տապակել են ձկան անհետացող տեսակ...
Էկվադորի ջունգլիներում հայտնաբերվել է աշխարհի ամենամեծ անակոնդան. CNN
Այս անակոնդաները տարբերվում են նախկինում հայտնի…
Հարավաֆրիկյան Հանրապետությունում վարդագույն փղիկ է հայտնվել
Հարավաֆրիկյան Հանրապետության Ազգային պարկում հազվադեպ վարդագույն փղիկ է ծնվել...
Անգլիական այգիներից մեկում պինգվինն օգնել է մասամբ կույր մեկ այլ պինգվինի սնվել և հասնել իր բույնը
Ըստ հետազոտողների՝ թռչունների այս պահվածքը կարեկցանքի և ըմբռնման դրսեւորում է…
Բրազիլիայի անտառներից մեկում հայտնաբերվել է ամենափոքր գորտը
Մարմնի երկարությունը՝ 7 սմ․․․
Ամենաշատ