ՀՀ արտաքին գործերի փոխնախարար Վահան Կոստանյանը պարզություն չի մտցրել Թուրքիայի հետ հարաբերությունների կարգավորման հարցում։
Լրագրողների հետ զրույցում, պատասխանելով հայ-թուրքական հարաբերություններում առաջընթացի մասին հարցին, փոխնախարարը նշել է, որ ԱԳՆ ղեկավարների վերջին հանդիպումը տեղի է ունեցել Թեհրանում, 3+3 ձեւաչափով հանդիպման շրջանակում։
Նրա խոսքով՝ քննարկվել են տարածաշրջանային կայունության եւ երկկողմ հարցեր։ «Մենք հաստատել ենք, որ պատրաստ ենք արագ իրականացնել արդեն ձեռք բերված պայմանավորվածությունները։ Կարծում ենք, որ թուրքական կողմը պետք է դրական արձագանքի (Երեւանի- խմբ.) պատրաստակամությանը՝ բացել սահմանը 3 երկրների քաղաքացիների եւ դիվանագիտական անձնագրեր ունեցող անձանց համար»,-նշել է Կոստանյանը։
