Ես չեմ գտնում, որ Հայաստանը գնում է պայմանագիր ստորագրելու եւ Ղարաբաղի մասով ոչինչ չկա. եթե նման բան թույլ տան, դա մեծ սխալ է լինելու: Այս մասին այսօր՝ նոյեմբերի 29-ին, 44-օրյ պատերազմի հանգամանքներն ուսումնասիրող ԱԺ քննիչ հանձնաժողովում փակ հանդիպումից հետո լրագրողների հետ զրույցում ասաց Լեռնային Ղարաբաղի Անվտանգության խորհրդի նախկին քարտուղար, պաշտպանության նախկին նախարար Սամվել Բաբայանը:
«Այսօրվ գործող իշխանությունն ասում է՝ պետք է վերադառնանք Արցախ: Հիմա եթե վերադառնում են՝ ի՞նչ կարգավիճակով: Հենց այդ կարգավիճակի մասին փաստաթղթի մեջ պետք է նշվի»,-ասաց նա:
Սամվել Բաբայանը այս փուլում հնարավոր չի համարում Հայաստանի եւ Ադրբեջանի միջեւ խաղաղության պայմանագրի ստորագրումը:
