News
Լրահոս
News
Երեքշաբթի
Փետրվար 27
Տեսնել լրահոսը

Ոլորտային բարեփոխումների այս փուլում Հանրային հեռուստատեսությունը մեր ամենակարևոր և վստահելի գործընկերներից մեկն է: Այդ մասին նշված է Հեռուստատեսության աշխատողի օրվա կապակցությամբ հրապարակված ԿԳՄՍ նախարար Ժաննա Անդրեասյանի ուղերձում:

«Հեռուստատեսության հարգարժա՛ն աշխատակիցներ,

ՀՀ կառավարության որոշմամբ արդեն մեկ տարի է՝ նոյեմբերի 29-ը նշվում է որպես Հեռուստատեսության աշխատողի օր՝ ի նշանավորումն հայկական հեռուստատեսության առաջին հեռարձակման:

Սա կարևոր քայլ էր՝ վերահաստատելու պետության վերաբերմունքը ձեր կատարած աշխատանքի նկատմամբ, արժևորելու և գնահատելու ձեր ամենօրյա ջանքերը՝ ուղղված հասարակության իրազեկվածության բարձրացմանը և ազատ խոսքի գաղափարի կարևորմանը:

Նոր ժամանակների մարտահրավերներն իրենց հետ բերում են նաև նոր լուծումներ, ու այդ ճանապարհին անչափ կարևոր է ապահովել փաստերի վրա հիմնված, վստահելի աղբյուրներից ճշտված տեղեկատվական հոսքեր` որպես հակակշիռ ապատեղեկատվությանը, որն այսօր մտահոգիչ ծավալների է հասնում։

Այդ կարևոր առաքելության իրականացմանը զուգահեռ՝ մնայուն արժեքների խրախուսումը, մշակույթի, կրթության, սպորտի և գիտական նվաճումների հանրահռչակումը հեռուստատեսության առաջնային և գլխավոր դերերից է։ Հանրային հեռուստաընկերությունը դարձել է այդ արժեքների ստեղծողը, կրողը, տարածողն ու հանրայնացնողը:

ՀՀ կրթության, գիտության, մշակույթի և սպորտի նախարարության անունից ցանկանում եմ ընդգծել՝ ոլորտային բարեփոխումների այս փուլում Հանրային հեռուստատեսությունը մեր ամենակարևոր և վստահելի գործընկերներից մեկն է: Մեր անմիջական համագործակցությամբ ու շարունակական աշխատանքով լայն հասարակությանը մանրամասն ներկայացվում են այն առաջնային փոփոխություններն ու իրադարձությունները, որոնք իրականացվում են պետական քաղաքականությամբ և անմիջականորեն առնչվում են հասարակության տարբեր շերտերին:

Ջերմորեն շնորհավորում եմ բոլորիդ Հեռուստատեսության աշխատողի օրվա առիթով: Ձեր նվիրական և ստեղծագործ աշխատանքում մաղթում եմ բազում վերելքներ, անսպառ եռանդ և մեծ լսարան»,- նշվում է նախարարի ուղերձում:

Տպել
Կարդացեք նաև
Ամբողջը
Հայկական հեռախոսահամար ձեռք բերելն այժմ հնարավոր է աշխարհի ցանկացած կետից
eSIM ստանալու համար պետք է ներբեռնել My Team հավելվածը, ընտրել eSIM ակտիվացնելու բաժինը, անցնել նույնականացում...
5G-ի անցմանը պատրաստ ցանց և որակապես նոր հեռուստատեսություն. Ucom-ը Nokia-ի և Mediakind-ի հետ համաձայնագրեր է կնքել
«Ucom-ը մեծ թռիչքների է պատրաստվում, և ոգևորված ենք բոլորս...
Team-ի համահիմնադիր Ալեքսանդր Եսայանը վերընտրվեց ԱՏՁՄ նախագահի պաշտոնում
Առաջատար տեխնոլոգիաների ձեռնարկությունների միության 23-րդ տարեկան համաժողովին...
Ռոստելեկոմ Հայաստանը և ՃՇՀԱՀ-ը ստորագրեցին Համագործակցության հուշագիր և գործարկեցին «Ամպային տեսահսկման ծառայությունը»
«Ռոստելեկոմ Հայաստանը հանդիսանում է ոլորտի լավագույն օպերատորներից մեկը, և պատահական չէ, որ հենց Ձեզ հետ որոշեցինք իրականացնել մի նախագիծ, որը...
Վրաստանում վնասվել է մագիստրալային մալուխը. Առկա է կապի որակի անկում. «Ռոստելեկոմ Արմենիա»
Շնորհիվ մեր պահեստային կապուղիների՝ մենք կարողանում ենք ապահովել…
ՀԾԿՀ-ն չթույլատրեց «Մոբիլնիե Տելեսիստեմի» ընկերությանը գնել «ՄՏՍ Հայաստան»-ի բաժնետոմսերի 100 տոկոսը
Որոշման համար հիմք է հանդիսացել բարձր տեխնոլոգիական արդյունաբերության նախարարության եզրակացությունը, որով գործարքը մերժվում է, քանի որ ավելի վաղ...
Ամենաշատ