Բելառուսի նախագահ Ալեքսանդր Լուկաշենկոն, Սանկտ Պետերբուրգում պատասխանելով լրագրողների հարցերին, ասել է, որ ոխ չի պահում Հայաստանի վարչապետ Նիկոլ Փաշինյանի նկատմամբ և վստահ է, որ այս երկիրը հավատարիմ է մնալու իր ներկայիս դաշնակիցների հետ համագործակցությանը, հայտնում է БЕЛТА-ն։
Լուկաշենկոյին հարցրել են՝ արդյոք վիրավորանք կա, որ Նիկոլ Փաշինյանը Սանկտ Պետերբուրգ է եկել ԵԱՏՄ գագաթնաժողովին, սակայն նախկինում չի մասնակցել Մինսկում ՀԱՊԿ գագաթնաժողովին։ «Ի՞նչ եք ասում։ Սրանք տարբեր ձևաչափեր են: Ես գիտեի այդ մասին։ Ես այն ժամանակ ասացի, որ նա թռչելու է Սանկտ Պետերբուրգ։ Երբ խոսեցի նրա հետ, ասացի. «Նիկոլ Վովաևիչ, պատրաստվո՞ւմ ես թռչել Սանկտ Պետերբուրգ», նա ասում է. «Դե, սա այլ ձևաչափ է՝ տնտեսական։ Մենք վիրավորված ենք ռազմաքաղաքական ՀԱՊԿ-ից, իսկ սա տնտեսություն է»։ Դրա համար ես գիտեի, որ նա թռչելու է Սանկտ Պետերբուրգ։ Եվ ես նրան դրանում այն ժամանակ աջակցեցի, այժմ նույնպես աջակցում եմ նրան: Այստեղ ի՞նչ վիրավորանք»: – ասել է Ալեքսանդր Լուկաշենկոն։