Samsung-ը դադարել է սարքավորումներ պատրաստել ռուսական գազատար լցանավերի համար, որոնք կառուցվում են «Զվեզդա» նավաշինական գործարանում, տեղեկացրել է Dunya News հեռուստաալիքը։

«Samsung ընկերությունը մոտենում է հինգ նավերի համար սարքավորումների պատրաստումն ավարտելուն»,- տեղեկացրել է ընկերության ներկայացուցիչը։

Մնացած 10 նավերի համար Samsung ընկերությունն արդեն դադարեցրել է սարքավորումների արտադրությունը, բայց պայմանագրերը դեռ խզված չեն։

Մինչ այդ հայտնի էր դարձել, որ Հարավային Կորեան եւս 682 արտահանական ապրանքների  սահմանափակումներ է մտցնում Ռուսաստան եւ Բելառուս մատակարարման համար։

Որպես սահմանափակումների ընդունման պատճառ նշվում է այդ սարքավորումները ռազմական նպատակներով օգտագործելու «մեծ հավանականությունը»։ Սեուլը, սակայն, մտադիր է անհատական թույլտվություններ տալ ստուգումներից եւ մի շարք պայմանների ապահովումից հետո։