Ստամբուլում իրականացված մի քանի ստուգայցերի արդյունքում թուրքական ոստիկանությունը ձերբակալել է ավելի քան 30 մարդու, ինչպես նաեւ բռնագրավել երկու տասնյակ շքեղ ավտոմեքենաներ, տեղեկացրել է Daily Telegraph պարբերականը։

Ոստիկանական ավտոպարկը համալրած մոդելների մեջ կան Bentley Continental GT, Porsche Taycan, Ferrari 458, ինչպես նաեւ Mercedes-Benz GLS եւ էլի միքանի շքեղ ամենագնացներ։ Ոստիկաններն ստացել են ընդհանուր առմամբ 3,5 մլն դոլար արժողությամբ 23 ավտոմեքենաներ։

Տեղեկացվել է, որ մեքենաները պատկանել են թմրավաճառների։ Ոստիկանական ստուգայցերի նպատակը հանցավոր խմբավորման պարագլուխ Հաքան Այիքն էր, որի կարողությունը գնահատվում է մեկ միլիարդ դոլար։

Առայժմ հայտնի չէ, թե որտեղ կիրառություն կգտնեն թանկարժեք մեքենաները։