![](img/news/80/62/54/default.jpg)
Այս պահին Հայաստանը Եվրոպական դատարանում միջպետական չորրորդ գանգատն է ներկայացրել, որտեղ ներառված են Արցախի հանրապետությանն առնչվող բոլոր խնդիրները, այդ թվում, ռազմաքաղաքական ղեկավարության գերեվարման հարցը։
Հայաստան խմբակցության պատգամավոր Լիլիթ Գալստայանն իշխանությանն առաջարկում է Արցախի ռազմաքաղաքական ղեկավարության հարցն առանձնացնել այդ փաթեթից և ներկայացնել առանձին, որպեսզի նրանց ազատ արձակման հարցն ավելի արագ լուծվի։ «Հաշվի առնելով փաստը, որ միջազգային դատարաններում գործերը կարող են տարներ շարունակ ձգձել, կարծում եմ, որ մարտավարական առումով այդ հարցն այս մեծ փաթեթում ներառելը ճիշտ չէ։
Սա մեր բոլորի արժանապատվության խնդիրն է։ Այստեղ հավելյալ ճիգեր գործադրելու կարիք կա»,- կառավարության հետ հարցուպատասխանի ժամանակ հայտարարեց Լիլիթ Գալստյանը։ Նա վարչապետից հետաքրքրվեց, թե քաղաքական ու բանակցային առումով իշխանությունն ինչ գործիքներ է կիրառում հարցը շուտափույթ լուծելու ուղղությամբ։ Նիկոլ Փաշինյանը պատասխանեց, որ գերիների, պատանդների ու պահվող անձանց խնդիրը շարունակում է մնալ իշխանության հանդիպումների օրակարգում, մշտապես անդրադառնում են դրան։
Ինչ վերաբերում է իրավական խնդիրներին, ապա ռազմաքաղաքական ղեկավարության խնդիրն ընդհանուր փաթեթից առանձնացնելու հարցին չի կարող պատասխանել, քանի որ իրավական վերլուծության կարիք կա։ «Ես պատրաստ չեմ ասել, թե իրավական առումով ո՞ր ճանապարհն ավելի էֆեկտիվ կլինի։ Դա պետք է իրավաբանները գնահատեն։ Եթե գործընթացն այդպես են կառուցել, ապա ենթադրում եմ, որ դա են ճիշտ համարել։
Սակայն Ձեր ասածը մեր իրավաբանները կդիտարկեն։ Եթե նպատակահարմար համարեն, գուցե Ձեր խորհուրդներից օգտվեն»,- նեց Նիկոլ Փաշինյանը։ Ընդդիմադիր պատգամավորն առաջարկեց օգտագործել նաև ՄԱԿ-ի արդաադատության դատարանը։ Նրա խոսքով՝ ՀՀ-ն անդամակցել է պատանդառության դեմ միջազգային կովնեցիային։
Այդ կոնվենցիան պետությունների միջև վեճերի լուծման շատ լավ մեխանիզմներ ու գործիքակազմ ունի։ «Կարող ենք նաև օգտագործել այս ճանապարհը՝ Արցախի ռազմաքաղաքական ղեկավարությանը վերադաձնելու համար»,- ասաց Լիլիթ Գալստյանը։