ՀԱՊԿ-ի և ՇՀԿ-ի շրջանակներում անհրաժեշտ է սահմանային անվտանգության լրացուցիչ միջոցներ մշակել՝ Աֆղանստանից իր հարևան երկրներին ուղղված սպառնալիքներին հակազդելու համար: Այս մասին հայտարարել է ՌԴ Անվտանգության խորհրդի քարտուղար Նիկոլայ Պատրուշևը՝ ելույթ ունենալով Բիշքեկում Աֆղանստանի հարցերով անվտանգության խորհուրդների քարտուղարների հանդիպմանը։
Պատրուշևն ընդգծել է, որ Աֆղանստանում անկայուն իրավիճակը կապված է Արևմուտքի կողմից աջակցվող միջազգային ահաբեկիչների գործունեության հետ։
«Հաշվի առնելով բոլոր թվարկված սպառնալիքները Աֆղանստանի ուղղությամբ՝ անկայունության արտահանմանը մեր երկրներ հակազդելու միջոցների շուտափույթ ընդունումը անհրաժեշտ է։ Ակնհայտ է, որ այս խնդրի համապարփակ լուծմանը կարելի է հասնել առաջին հերթին հավաքական ջանքերով, առաջին հերթին՝ ՀԱՊԿ-ի և ՇՀԿ-ի շրջանակներում»,- ասաց Պատրուշևը։
