News
Լրահոս
News
Կիրակի
Մայիս 19
Տեսնել լրահոսը

Անկախ լրատվամիջոցների ճնշման այս ակտն ուղղակի հարձակում է խոսքի և մամուլի ազատության իրավունքների վրա և քննադատական ձայները լռեցնելու բացահայտ փորձ։ Այս մասին հայտարարել է Amnesty International-ի Հարավային Կովկասի հարցերով հետազոտող Նատալյա Նոզաձեն՝ մեկնաբանելով տեղեկություններն այն մասին, որ ոստիկանությունը ներխուժել է Բաքվում ադրբեջանական անկախ լրատվամիջոց Toplum TV հեռուստաալիքի գրասենյակը և ձերբակալել աշխատակիցներին։

Ադրբեջանի իշխանությունները, ըստ կառույցի ներկայացուցչի, «հետապնդում, ահաբեկում և հարձակվում են անկախ լրատվամիջոցների և ընդդիմադիր խմբերի վրա՝ բացահայտ անտեսելով մարդու իրավունքներն ու օրենքի գերակայությունը»։

«Ադրբեջանի իշխանությունները պետք է անհապաղ դադարեցնեն մարդու իրավունքների և անկախ լրատվամիջոցների ճնշումը և սկսեն հարգել, պաշտպանել, խթանել և կատարել բոլորի մարդու իրավունքները՝ ներառյալ խոսքի ազատության իրավունքը»,- ասել է նա:

«Մենք կոչ ենք անում միջազգային հանրությանն ընդունել, որ Ադրբեջանում իրավիճակի լրջությունը պահանջում է հրատապ գործողություններ և սկսել ճնշում գործադրել երկրի իշխանությունների վրա՝ դադարեցնելու բռնաճնշումները։ Ադրբեջանն այս նոյեմբերին կհյուրընկալի «COP29» կլիմայական համաժողովը, և չափազանց կարևոր է, որ միջազգային ուշադրությունը, որը սևեռված կլինի այդ երկրվի վրա, օգտագործվի՝ պահանջելու իշխանություններից հարգել մարդու իրավունքները»,- ասել է Նատալյա Նոզաձեն:

Մարտի 6-ի երեկոյան ադրբեջանական ոստիկանությունը ներխուժել է Toplum TV հեռուստաալիքի, «Ժողովրդավարական նախաձեռնությունների ինստիտուտի», նրա գործընկեր կազմակերպության և «Պլատֆորմ III Հանրապետություն» ընդդիմադիր խմբի գրասենյակներ․ կալանավորվել է ավելի քան տասը լրագրող և ակտիվիստ, կոտրվել է Toplum TV-ի յութուբյան ալիքը և ջնջվել դրա բովանդակությունը։

Toplum TV-ի առնվազն չորս աշխատակիցների և Ժողովրդավարական նախաձեռնությունների ինստիտուտի երկու ակտիվիստների մեղադրանք է առաջադրվել մաքսանենգության կասկածանքով (Ադրբեջանի Քրեական օրենսգրքի 206.3.2 հոդված), հայտնել է Toplum TV-ի գլխավոր խմբագիրը: Նրանք շարունակում են մնալ կալանքի տակ։

Toplum TV-ի նկատմամբ բռնաճնշումները հաջորդել են այլ անկախ լրատվամիջոցների՝ Channel 13-ի և Abzas Media-ի լրագրողների ձերբակալություններին։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Դատապարտում ենք ոստիկանների կողմից լրագրողների և օպերատորների դեմ ոչնչով չարդարացված ուժի կիրառումը. հայտարարություն
Լրագրողական մեկ տասնյակ ՀԿ-ներ հանդես են եկել հայտարարությամբ, որտեղ...
Վե՛րջ տվեք երկակի ստանդարտների պրակտիկային. Հայաստանի ժուռնալիստների միությունը կոչով դիմում ՆԳՆ-ին եւ ՔԿ-ին
Այսօր «Տավուշը հանուն հայրենիքի» համաժողովրդական շարժման առաջնորդ, Տավուշի թեմի առաջնորդ Բագրատ արքեպիսկոպոս Գալստանյանի կոչով խաղաղ...
Մեծ Բրիտանիան դեմ է ադրբեջանական անկախ լրատվամիջոցների սահմանափակումներին. դեսպան
Ազատ մամուլն էական նշանակություն ունի ժողովրդավարական, կայուն և բարգավաճ հասարակության համար...
«Մեղադրյալներ լինելն ինքնանպատակ չէ». Վարդապետյանը՝ լրագրողների դեմ բռնությունների գործերի մասին
Մենք 2023 թվականի ընթացքում ունենք խոշտանգումների 5 ավարտված վարույթ, այդ…
«Լրագրողներ առանց սահմանների» կազմակերպության 2024 թ. զեկույցում Հայաստանը 6 կետով բարելավել է իր դիրքերը. Ռուբինյան
ՀՀ ԱԺ նախագահի տեղակալ Ռուբեն Ռուբինյանը խորհրդարանում շնորհավորեց…
Մամուլի ազատության ապահովման ոլորտում շարունակում են արդիական մնալ որոշ մարտահրավերներ. ՀՀ ՄԻՊ ուղերձը
Մարդու իրավունքների պաշտպանի 2023 թվականի գործունեության տարեկան…
Ամենաշատ