![](img/news/81/20/71/default.jpg)
ԵՄ-ն չեղարկել է «Յանդեքսի» նախկին ղեկավար Արկադի Վոլոժի, «Սիստեմա» ԱՖԿ ռուսական ներդրումային պետական մարմինների հետ կապերի գծով նախկին գործադիր փոխնախագահ Սերգեյ Մնդոյանցի, ինչպես նաեւ սլովակ գործարար եւ «Գիշերային գայլեր» մոտոակումբի տեղի բաժանմունքի ղեկավար Յոզեֆ Գամբալեկի պատժամիջոցը, նշվել է ԵՄ Խորհրդի որոշման մեջ, որը հրապարակվել է «Եվրամիության պաշտոնական ամսագրում»։
«Պատժամիջոցների ցուցակից պետք է հանվեն ինը մահացած անձինք եւ երեք այլ ֆիզիկական անձինք»,- նշվել է որոշման մեջ, որի հավելվածում ներկայացված են այս երեք գործարարները։
Ոչ մի պաշտոնական բացատրություն պատժամիջոցների ցուցակից նրանց հանելու մասին ԵՄ Խորհուրդը չի ներկայացրել։
Մահացածների մեջ ԵՄ Խորհուրդը հիշատակել է «Վագներ» մասնավոր ռազմական ընկերության նախկին հրամանատար Դմիտրի Ուտկինին, բայց չի հիշատակել կառույցի հիմնադիր Եվգենի Պրիգոժինին։
Ավելի վաղ Reuters գործակալությունը տեղեկացրել էր, որ ԵՄ Խորհուրդը որոշում է կայացրել Վոլոժի հանդեպ «նրա վարքի փոփոխության հետ կապված», այն դեպքում, երբ Գամբալեկի պատժամիջոցը հանելու օգտին հանդես է եկել Սլովակիայի վարչապետ Ռոբերտ Ֆիցոն։