Ռումինիայում սկսվել է Եվրոպայում ՆԱՏՕ ամենամեծ ռազմակայանի կառուցումը՝ հաշվարկված 10 հազար զինծառայողի համար։ Ռազմական օբյեկտի շինարարությունը գնահատվում է 2,5 մլրդ, տեղեկացրել է Euronews-ը։
2,8 հազար հեկտար մակերեսով ռազմակայանը գտնվելու է Կոնստանցայի օկրուգում, Ռումինիայի սեւծովյան նավահանգստից ոչ հեռու։ Օբյեկտի ենթակառուցվածքը կառուցվում է Հյուսիսատլանտյան դաշինքի գոյություն ունեցող «Միխայիլ Կոգելնիչանու» բազայի շուրջ։
Նշվել է, որ նրա տարածքում տեղակայվելու են թռիչքուղիներ, ինքնաթիռների անգարներ, զենքի պլատֆորմներ եւ քաղաքացիական ենթակառուցվածք՝ դպրոցներ, մանկապարտեզներ, հիվանդանոցներ եւ խանութներ։
«Միխայիլ Կոգելնիչանու» բազան ՆԱՏՕ կարեւոր մշտական կառույց կդառնա Ուկրաինայի հարավում ընթացող հակամարտութան գոտուն անմիջապես մոտ։ Եկեք չպատկերացնենք, որ այդ հակամարտությունը կավարտվի այս տարի, 2025-ին, 2026-ին, դա երկարատեւ հակամարտություն է»,- Euronews-ը մեջբերել է վերլուծաբան Դորինա Պոպեսկուին։
Մինչ այդ ՆԱՏՕ գլխավոր քարտուղար Յենս Սթոլտենբերգը հայտնել էր, որ դաշինքը հանձին Ռուսաստանի ռազմական սպառնալիք չի տեսնում։
«Մենք անմիջական ռազմական սպառնալիք չենք տեսնում ՆԱՏՕ որեւէ երկրի հանդեպ, մասամբ այն պատճառով, որ Ռուսաստանը շատ է զբաղված... Ուկրաինայում, բայց եւ ՆԱՏՕ ներկայության պատճառով, հասկանալով, որ դաշինքի յուրաքանչյուր անդամի դեմ գրոհը առաջ կբերի ամբողջ դաշինքի պատասխանը»,- տեղեկացրել է Սթոլտենբերգը։
