Չորեքշաբթի Անգլիայի ափերին 514 անօրինական ներգաղթյալներ տեղափոխող տասը նավ է կայանել։ Դրա մասին նշվում է Մեծ Բրիտանիայի ներքին գործերի նախարարության հրապարակած զեկույցում։

Այս տարի դա ռեկորդային է մեկ օրում թագավորություն ժամանած անօրինական ներգաղթյալների թվով։ Նախորդ տարիներին այն կարող էր գերազանցել օրական 1000-ը: Ըստ Բրիտանայի ՆԳՆ վիճակագրության՝ 2024 թվականի հունվարի 1-ից Լա Մանշով թագավորություն է անցել ընդհանուր առմամբ 4043 անօրինական ներգաղթյալ՝ 10%-ով ավելի, քան անցյալ տարվա նույն ժամանակահատվածում։ 2023-ին Ֆրանսիայից Մեծ Բրիտանիա մուտք գործելու համար ընդհանուր առմամբ 29 հազար 400 մարդ օգտվել է անօրինական ծովային ուղիներից, ինչը 35%-ով պակաս է ռեկորդային 2022-ի համեմատ։

Վերջին տարիներին Լա Մանշով փչովի նավակներով Անգլիայի ափեր հասնող անօրինական ներգաղթյալների թիվն աճում է։ Ընդհանուր առմամբ, 2018-ից ի վեր ավելի քան 118 հազար անօրինական ներգաղթյալներ անցել են Լա Մանշը եւ հասել Մեծ Բրիտանիա՝ չնայած ՝ անօրինական ներգաղթի դեմ պայքարելու իշխող Պահպանողական կուսակցության խոստումներին։