Շվեյցարական բանկերը սկսել են չսպասարկել այն անձանց, որոնք այլ քաղաքացիության հետ միասին նաեւ ռուսական անձնագրեր ունեն։ Այս մասին գրել է «Ведомости»-ն։
Թերթի տվյալներով՝ խնդիրն առաջացել է UBS-ի եւ Credit Suisse-ի մի քանի հաճախորդների հետ կապված, որոնք կրկնակի քաղաքացիություն ունեն, ընդ որում՝ այդ մարդիկ հարկեր են վճարում Շվեյցարիայում եւ եկամուտներ չեն ստանում ՌԴ-ից, ինչպես նաեւ այնտեղ հարկային պարտավորություններ չունեն։ Բացի այդ, Շվեյցարիայում հրաժարվել են հաշիվներ բացել Իսրայելի մի քանի քաղաքացիների համար, որոնք պահել են Ռուսաստանի անձնագիրը։
2023թ. վերջին Շվեյցարիայի իշխանությունները ենթարկվեցին խիստ քննադատության այն բանի համար, որ բավականաչափ միջոցներ չեն ձեռնարկել, որպեսզի խանգարեն պատժամիջոցների ենթարկված ռուսաստանցիներին թաքցնել փողերը երկրի բանկերում։ Դրանից հետո իշխանություններն ակտիվացան. օրինակ, Տնտեսության պետական քարտուղարությունը (SECO) փորձագիտական պատժամիջոցների իրականացման հանձնաժողով նշանակեց։
