News
Լրահոս
News
Հինգշաբթի
Մայիս 30
Տեսնել լրահոսը


Գևորգ Գևորգյանի նիստերն էլ էին Գորիսում, հիմա տեղափոխվել են Երևան: Նիստից հետո Երևան վերադառնալու ճանապարհին ծնողներից մեկը վատացավ, տեղափոխեցինք «Աստղիկ» ԲԿ, որտեղ 2 վիրահատություն տարավ, այս պահին  անվասայլակով է: Մենք դիմեցինք, որ Ջալալ Հարությունյանի դատերն էլ տեղափոխեն Երևան, բայց մերժեցին: Շատ դժվար է, ճանապարհը երկար է, ծնողներն առողջություն չունեն այդքան, բացի այդ, աշխատում են: Ուղղակի ցանկանում ենք, որ նիստերը Երևանում անցկացվեն, բոլորս էլ կարողանանք մասնակցել, որովհետև մենք բոլորս հետևողական ենք լինելու գործին:   Այս մասին այսօր՝ մարտի 29-ին, NEWS.am-ի հետ զրույցում ասաց 2020 թվականին «Ցորի» զորամասի զոհված զինծառայող Դավիթ Ազատյանի մայրը՝ Քրիստինե Ազատյանը:

Ասյա Մանուկյանի ՝ Նարեկ Օհանյանի մոր խոսքով էլ, Արցախից զոհված տղաներ նույնպես կան, որոնց ծնողներն Արցախում են թողել ամեն ինչ և Հայաստան եկել: Այս պահին նրանք շատ վատ կարգավիճակում են ապրում, Գորիս հասնելը ֆինանսապես էլ է դժվար:

2020 թվականի հոկտեմբերի 12-ին զոհված զինծառայողների ծնողները դեպքից մանրամասներ են պատմում, ասում են՝ վերևից հրաման է եղել՝ չկրակել, թողնել, որովհետև մերոնք են, բայց իրականում մերոնք չեն եղել: Տղաները չորս կողմից ընկել են շրջափակման մեջ: Հրամանատարները տղաներին թողել են, արդյունքում տղաները զոհվել են:

Ծնողների խոսքով, Ջալալ Հարությունյանը մի քանի անգամ ելույթ է ունեցել, ասել է, որ հնարավոր է ինքը սխալ հրաման է տվել, սակայն կռվի դաշտում գտնվողները պետք է արագ և ճիշտ կողմնորոշվեին և նահանջեին:

«18-20 տարեկան տղաներին թողել են անպաշտպան և փախել, և այսօր ոչ ոք դրա համար պատասխանատվություն չի կրում: 18 տարեկան տղաները միայնակ ինչպե՞ս պիտի կողմնորոշվեին՝ տարածքին անտեղյակ լինելով, այդ մեծ դիվերսիոն խմբից ինչպե՞ս պիտի պաշտպանվեին: Բոլորը մնացել են, պայքարել մինչև արյան վերջին կաթիլը և զոհվել»,-ասում է Ասյա Մանուկյանը:

Ծնողները պատմում են, որ տղաների մարմինները 1 տարի 3 ամիս անց են գտել: Ադրբեջանն է փոխանցել տղաների մասունքները:

Քրիստինե Ազատյանի խոսքով, Գևորգ Գևորգյանի նիստն արդեն 3 տարի է ընթանում է, բայց դեռ վերջին փուլին չեն հասել, չգիտեն էլ՝  երբ կհասնեն: Ամեն ինչ անելու են արդարության հասնելու համար, սակայն հիմա միայն Աստծո դատաստանին են հավատում:

Տպել
Կարդացեք նաև
Ամբողջը
ՌԴ ԱԳՆ-ն արձագանքել է Փաշինյանի՝ ԼՂ պատերազմի նախապատրաստմանը ՀԱՊԿ 2 երկրների մասնակցության մասին հայտարարությանը
Բառացիորեն 2020 թվականի աշնանը զինված հակամարտության առաջին իսկ օրերից ռուսական կողմը գործադրեց...
Զոհված զինծառայողների ծնողների՝ փոխնակ մոր ծառայությունից օգտվելու ծրագիրը կշարունակվի. Նոր որոշում
Կառավարությունն իր այսօրվա՝ մայիսի 23-ի նիստում որոշում կայացվեց, որով կապահովվի...
Ադրբեջանի կողմից ռազմագերիների ազատ արձակումը նախապայման է խաղաղ բանակցությունների համար. Կլոդ Վիզլեր
Սա երկրորդ այցելությունն է Հայաստան վերջին մեկ տարվա ընթացքում, դա աննախադեպ է...
ԵՄ-ն ակտիվ կերպով կշարունակի տարածաշրջանում Հայաստանի և Ադրբեջանի միջև միջնորդի դերը ստանձնել. Վիզլեր
Լյուքսեմբուրգը հավատարիմ է աջակցելու ԵՄ քաղաքացիական առաքելությանը...
24 անհայտ կորած զինծառայողների ընտանիքները եւս երկու ամիս կստանան 300-հազարական դրամ աջակցությունը
Կառավարությունն իր այսօրվա՝ մայիսի 16-ի նիստում որոշեց 2 ամսով երկարաձգել 44-օրյա...
ՄԱԿ-ի Խոշտանգումների դեմ կոմիտեի եզրահանգումները Ադրբեջանի կողմից՝ իր պարտավորությունների կատարման վերաբերյալ
ՄԱԿ Խոշտանգումների դեմ կոմիտեն 2024թ. մայիսի 10-ին հրապարակել է Ադրբեջանի կողմից ՄԱԿ Խոշտանգումների դեմ կոնվենցիայի ներքո...
Ամենաշատ