Հայաստանն ու Եվրոպոլը կսերտացնեն փոխգործակցությունը հանցավորության դեմ պայքարի ոլորտում: Այս մասին, այսօր՝ ապրիլի 8-ին, Ազգային ժողովում՝ Պաշտպանության և անվտանգության հարցերի մշտական հանձնաժողովի նիստի ժամանակ, ասաց ներքին գործերի փոխնախարար Արփինե Սարգսյանը:
«Հաշվի առնելով ԵՄ այս գործակալության՝ Եվրոպոլի դերն ու նշանակությունը հատկապես Եվրոպական տարածաշրջանում հանցավորության դեմ պայքարի ոլորտում՝ մեզ համար շատ կարևոր ձեռքբերում կլինի ապահովել ՆԳՆ ոստիկանության և Եվրոպոլի միջև փոխգործակցությունը, ընդ որում՝ ՆԳՆ այս դեպքում ոչ թե Կառավարության առանձին անդամ է, այլ ՀՀ իրավապահ համակարգի միասնական ներկայացուցիչ Եվրոպոլի հետ համագործակցության շրջանակներում»,- նկատեց նա:
Վերջինիս խոսքով՝ դեռևս 2021 թվականին կնքված աշխատանքային համաձայնագրերը վկայում են այն մասին, որ պետք է նշանակվի Եվրոպոլի հետ համագործակցության կապի սպա, որը կապահովի տեղեկատվության փոխանակումը հայկական իրավապահ համակարգի և Եվրոպոլի միջև, նաև՝ հետադարձ կապը»,- մանրամասնեց Սարգսյանը:
