News
Լրահոս
News
Հինգշաբթի
Հունիս 13
Տեսնել լրահոսը

ԱՄՆ-ն միտումնավոր է խափանել Գազայի հատվածում հակամարտության դադարեցման միջազգային ջանքերը ՄԱԿ հովանու ներքո՝ իրականացնելու համար իր աշխարհաքաղաքական շահերը Մերձավոր Արեւելքում։ Այսպիսի հայտարարությամբ հանդես է եկել ՄԱԿ-ում Իրանի մշտական ներկայացուցիչ Ամիր Սայիդ Իրավանին։

«Միացյալ Նահանգները, ապակառուցողական դեր խաղալով, սպառել է քաղաքական-դիվանագիտական մեխանիզմների ողջ զինանոցը՝ կանխելու համար խաղաղության հաստատումը (Գազայի հատվածում) եւ միտումնավոր խափանել է բազմակողմանի ջանքերը ՄԱԿ հովանու ներքո՝ հանուն իր շահադիտական աշխարհաքաղաքական նպատակների մերձավորարեւելյան տարածաշրջանում»,- նրա ելույթի տեքստը մեջբերել է IRNA գործակալությունը։

Իրանցի դիվանագետը ավելացրել է, որ մարտի 25-ին ՄԱԿ ԱԽ բանաձեւի ընդունումից հետո, որով պահանջվում էր անհապաղ դադարեցնել կրակը պաղեստինյան անկլավում Ռամադան սրբազան ամսվա ընթացքում, «ամերիկյան պաշտոնատար անձինք, այդ բանաձեւը պարտադիր չհամարելով, գործադրել են բոլոր ջանքերը, որպեսզի պաշտպանեն Իսրայելի հանցագործությունները»։ Նա նշել է, որ համաշխարհային հանրությունը «պետք է գործնական միջոցներ ձեռնարկի, որպեսզի իսրայելական ռազմական մեքենան անպատիժ չմնա եւ չշարունակի հարձակումները Պաղեստինի խաղաղ բնակիչների դեմ»։

Մարտի 25-ին ՄԱԿ Անվտանգության խորհուրդը ընդունեց խորհրդի ոչ մշտական տասնյակ անդամների պատրաստած բանաձեւը Գազայի հատվածում կրակի անհապաղ դադարեցման պահանջով Ռամադան ամսվա ընթացքում։ Բանաձեւին կողմ են քվեարկել ԱԽ բոլոր 14 երկրները, ներառյալ Մեծ Բրիտանիան, Չինաստանը, Ռուսաստանը եւ Ֆրանսիան։ Ձեռնպահ է մնացել միայն ԱՄՆ-ն։ Ինչպես հայտնել է ՄԱԿ-ում ԱՄՆ մշտական ներկայացուցիչ Լինդա Թոմաս-Գրինֆիլդը, այդ բանաձեւը պարտադիր բնույթ չի կրում։ ԱՄՆ մշտական ներկայացուցչի տեղակալ Ռոբերտ Վուդը, սակայն, հույս է հայտնել, որ բանաձեւը կկատարվի, եւ ասել է, որ Վաշինգտոնը հարցը քննարկում է գործընկերների հետ եւ աշխատում է, որպեսզի փաստաթղթի դրույթները կատարվեն։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ՀԱՄԱՍ-ը պահանջում է մշտական հրադադար պատանդների մասին համաձայնագիր կնքելու համար. ԶԼՄ
Պաղեստինյան շարժումը մշտական հրադադար է պահանջում...
 ԱՄՆ-ը և նրա գործընկերներն առաջիկա շաբաթներին կներկայացնեն Գազայի հետպատերազմյան կառավարման ծրագրերը. Բլինքեն
Պետքարտուղարը նշել է, որ պատերազմը վերջնականապես ավարտելու համար անհրաժեշտ է ապագայի ծրագրեր մշակել...
Իսրայելը կարող է սահմանափակումներ մտցնել ՄԱԿ-ի դեմ
Իսրայելի ղեկավարության հնարավոր գործողությունների թվում են ՄԱԿ-ի աշխատակիցների համար վիզաների...
Ավստրալիան 6,6 մլն դոլար կհատկացնի Գազայի համար մարդասիրական օգնություն գնելու համար
Վոնգը նշել է, որ մինչ օրս Կանբերան արդեն ավելի քան 47 միլիոն դոլար է հատկացրել պաղեստինյան անկլավի...
Ռաֆահում 100 հազարից քիչ մարդ է մնացել. UNRWA
Արդյունքում, Գազայում ներկա պահին տեղահանվել է 1,7 միլիոն մարդ՝ բնակչության ավելի քան 70 տոկոսը...
ՀԱՄԱՍ-ը հայտարարել է, որ ընդունում է Գազայի վերաբերյալ ՄԱԿ-ի բանաձևը և պատրաստ է քննարկել մանրամասները
Վաշինգտոնը պետք է համոզվի, որ Իսրայելը հարգում է իր խոսքը...
Ամենաշատ