Հանրապետության հրապարակից առավոտյան Տավուշի թեմի առաջնորդ Բագրատ Սրբազանի սկսած շրջայցը դեպի Նկարիչների միություն, Գրողների միություն, ԳԱԱ պատմության ինստիտուտ ավարտվել է Հանրապետության հրապարակում:
Հիշեցնենք, ստեղծագործական միություններ ու ԳԱԱ այցելելու մասին «Տավուշը հանուն հայրենիքի» շարժման առաջնորդը հայտարարել էր նախօրեին:
Նկարիչների և Գրողների միությունում Բագրատ Սրբազանին դիմավորել են միությունների ղեկավարները, իսկ ԳԱԱ-ում դռները փակ էին, և Բագրատ Սրբազանը չկարողացավ ներս մտնել: Փոխարենը նրան սպասում էին ԳԱԱ պատմության ինստիտուտում:
Բաղրամյան փողոցում նա փորձել է մտնել ԱԺ եւ ներսում սուրճ խմել, սակայն չի կարողացել շենք մտնել, քանի որ անձնագիրը մոտը չի եղել:
Վերադառնալով Հանրապետության հրապարակ սրբազանն ասաց, որ երեկոյան` ժամը 19-ին, կհավաքվեն Երևանի Սուրբ Աննա եկեղեցու բակում:
