Կառավարող «Քաղաքացիական պայմանագիր» խմբակցության պատգամավոր Խաչատուր Սուքիասյանի գործողություններին պետք է իրավական գնահատական տրվի։ Այս մասին Ազգային ժողովում, ավանդական ճեպազրույցներում, մայիսի 23-ին ասել է «Հայաստան» ընդդիմադիր խմբակցության ղեկավար Սեյրան Օհանյանը։
Մինչ այդ Սուքիասյանը աղմկահարույց հայտարարություններ էր արել խորհրդարանի ամբիոնից՝ տառացիորեն բանտերով, մահվամբ եւ ունեզրկմամբ սպառնալով ընդդիմադիրներին։
«Նման կարգի ելույթները սպառնալիք են։ Դրանք պարունակում են որոշակի տարրեր, որոնք համապատասխանում են Քրեական օրենսգրքի որոշ հոդվածների։ Սուքիասյանը մոռանում է այն մասին, որ չի կարող վախեցնել մեզ։ Նա մոռանում է, որ այսօրվա իրավիճակը առաջացել է իրենց կառավարման օրոք, եւ որ, քրեական օրենսդրության համաձայն, իրենք պետք է պատասխան տան դավաճանության համար, որի հետեւանքով Լեռնային Ղարաբաղը եւ Հայաստանը հասցվեցին ներկա վիճակին»,- նշել է Օհանյանը։
