![](img/news/82/55/28/default.jpg)
Եկել ենք այստեղ կառավարության ղեկավարին գալու հանդիպելու, կամ ներս մտնելու հանդիպելու: Այս մասին այսօր՝ մայիսի 26-ին, կառավարական ամառանոցների մոտ հայտարարեց Տավուշի թեմի առաջնորդ Բագրատ Սրբազանը:
Նա ուղիղ դիմեց Նիկոլ Փաշինյանին. «Նիկոլ Փաշինյան, այս վայրկյանից սկսած հանդիպելու բաց եւ քննարկելու թեմա ունենք մենք միասին: Դուք ձեր ժամանակին շատ ժողովրդական մարդ էիք համարում: վստահ եմ, որ այս ժողովրդի ներկայությունը ծանր հիշողություններ է արթնացնում ձեր մտքի մեջ, բայց դուք եք հասցրել այստեղ: Այս նույն ժողովուրդը ժամանակին ձեզ է պաշտպանել, ձեզ է հասցրել այս շքեղ ամառանոցները:
Մենք չենք եկել ձեր ընտանիքի վրա, ոչ էլ եկել ենք դուռ, լուսամուտ կոտրելու, որ այսդքան ոստիկանով պաշտպանվում եք: Մենք եկել ենք պարզ խոսակցության, ձեր խաղաղ անցնցում հեռանալու թեմայով: Ձեր խոփը սխալ քարի է կպել:
Դուք եղել եք ժողովրդական մարդ, այս պահին ժողովուրդը որոշել է, որ ես էլ եմ ժողովրդական մարդ: Դուք արդեն նախկին եք դարձել, հրավիրում եմ ներկայի հետ հանդիպման: Հուսամ՝ չեք խուսափի: Գրեթե համոզված եմ, որ ռիսկ չեք անի: Չգիտեմ՝ ինչպե՞ս ես նայելու աչքերիս մեջ: Այնպես, ինչպես Կիրանցում էիր նայում մարդկանց աչքերի մեջ: Ժամը հասել է, որ խաղաղ, հանգիստ ուղղակի գնաք»,-ասաց նա:
Արքեպիսկոպոսը մարդկանց հանդարտության, հանգստության, ցնցումների մեջ չընկնելու կոչեր է անում, ի պատասխան հնչում են «Սրբազան վարչապետ» վանկարկումներ։
«Եթե կարգապահություն չունեք, ուրեմն ոչ մի բան չունեք։ Ժողովուրդ ջան, խնդրում եմ, շատ կարգապահ գտնվել, թույլ չտալ, որ մեր շարքերում սադրանք լինի, ինքնահրկիզվող, աղմուկ-աղաղակող մարդիկ լինեն»,-ներկաներին դիմեց Սրբազանը։
Նշենք, որ այսօրվա հանրահավաքում հայտարարվեց, որ շարժման վարչապետի թեկնածուն Բագրատ Սրբազանն է: Նա հայտարարեց, որ դիմել է Վեհափառ հայրապետին, որ սառեցնի իր 30-ամյա հոգեւոր ծառայությունը: