News
Լրահոս
News
Ուրբաթ
Հունիս 21
Տեսնել լրահոսը

NEWS.am-ը զրուցել է Ալավերդու Սանահին կայարան թաղամասի բնակչուհի Գոհար Ապրեսյանի հետ, որը երեխաների հետ մնացել էր 4-րդ հարկի իր բնակարանում և չէր կարողացել դուրս գալ մինչև հեղեղը։

Նրանց փրկարարները պատուհանից են դուրս բերել․ «Երեկվանից շոկային վիճակ է մեզ մոտ։ Ջուրը որոշ չափով ցամաքել է, բայց տիղմ է հիմա էլ դարձել։ Մեր շենքի տղաների, փրկարարների օգնությամբ մեծ դժվարությամբ դուրս ենք եկել տնից։ Բարձրացել ենք Օձուն գյուղ, հիմա մայրիկիս տանն ենք ընտանիքով։ Ամուսինս աշխատանքի էր, մեքենան մնացել է ջրի տակ, ինքը անտառներով ոտքով հասել է Ախթալա։ Տանն էինք, որ ջրհեղեղ սկսեց, 2 ժամվա ընթացքում սկսեց ուժգնանալ։ Չէինք պատկերացնում, որ այդ աստիճանի կբարձրանա, որ առաջին հարկը կծածկի»,- պատմեց Գոհար Ապրեսյանը։

Բնակիչները խուճապի են մատնվել այն բանից հետո, երբ տեսել են, թե ինչպես է հեղեղը փլուզում շենքի դիմացի տնակները․ «Այնքան վարարեց, որ որոշվեց, որ բոլորը շտապ պետք է դուրս գան։ Սթրեսային վիճակում փորձում էինք պատուհաններից դուրս գալ։ Մենք չորրորդ հարկում էինք, այնքան էր ջուրը բարձրացել, որ շենքի փլուզման վտանգ կար։ Այն ինչ երեկ կատարվում էր միայն ֆիլմերում էինք տեսել։ Անպատկերացնելի վիճակ էր։ Ամենածանր տեսարանը տատիկներին ու պապիկներին տարհանելն էր»։

Հիշեցնենք, որ մայիսի 26-ին Լոռիի և Տավուշի մարզերում նախորդ գիշեր տեղացած հորդառատ անձրևների հետևանքով Դեբեդ գետը վարարել էր։ Արդյունքում փլուզվել են ճանապարհներ, կամուրջները, տներն ու ավտոմեքենաները հայտնվել են ջրի տակ, արգելափակվել են մարդիկ, փլուզվել են կամուրջներ։ Վարարման հետևանքով Մ-6 միջպետական ճանապարհը երկկողմանի փակ է երթևեկության համար։  Դեբեդի հունը երեկ 6 մետրով բարձրացել էր, «Ալավերդի-Արճիս-Նոյեմբերյան» 530մմ-ոց ջրատարը հայտնվել է ջրի տակ, ինչի հետեւանքով դադարեցվել էր 16 համայնքների ջրամատակակարումը, այսօր արդեն վերականգնվել է: Հեղեղի հետևանքով այս պահի դրությամբ կա 4 զոհ։ ՇՄՆ-ից հաղորդում են, որ այսօր ժամը 08։00-ի դրությամբ երեկ 08։00-ին դիտված ջրի մակարդակների համեմատ դիտվել է ջրի մակարդակների նվազում. Դեբեդ գետի Այրում դիտակետում 105 սմ-ով , Ձորագետ գետում` 70 սմ-ով, Փամբակ գետում 50 սմ-ով, Տաշիր գետում 57 սմ-ով։ ՏԿԵ նախարար Գնել Սանոսյանը NEWS.am-ի հետ զրույցում ասել է, որ վնասի չափը դեռևս չի գնահատվել, սակայն այն սարսափելի մեծ է։

Տպել
Կարդացեք նաև
Ամբողջը
Աղետի գոտում հաջողվել է կանխել հնարավոր համաճարակների բռնկումը. Սանոսյանին զեկուցել են հակահամաճարակային իրավիճակը
Նախարար Սանոսյանը տվել է մի շարք նոր հանձնարարականներ...
Գրիգորյանների ընտանիքի առաջնեկը աղետի օրն է ծնվել. Դեբեդի ափին ապրել ընտանիքն այլևս չի ցանկանում
Գրիգորյանների ընտանիքը Ախթալայում է ապրում. անմիջապես Դեբեդի հարևանությամբ. ընտանիքի առաջնեկը հենց աղետի օրն է ծնվել՝ մայիսի 26-ին...
Գոնե հնարավոր լիներ վարկերի մարումը որոշ ժամանակով սառեցնել, մինչև ոտքի կանգնեինք. Ալավերդու բնակիչ (ֆոտո)
Չեմ ասում՝ մարեն, գոնե մի որոշ ժամանակով սառեցնեն, կարողանանք մի երկու հագուստ, սպասք առնենք, ոտքի կանգնենք...
ԵՄ-ն 3 փորձագետի է գործուղել, որոնք օգնելու են գնահատել աղետի գոտում հեղեղումներից ենթակառուցվածքներին հասցված վնասները
ԵՄ-ն Քաղաքացիական պաշտպանության մեխանիզմի և Իսպանիայի կառավարության միջոցով 3 փորձագետի է գործուղել, որոնք օգնելու են...
Քարկոփ բնակավայր տանող հետիոտնային ճոճվող կամուրջը շահագործվել է երեկ երեկոյան
Նրանք զրուցել են աղետից տուժած բնակիչների հետ, տեղեկացրել բնակավայրերին…
Փրկարարները ավարտել են Քարկոփ գյուղը Մ-6 ավտոճանապարհին միացնող հետիոտնային կամրջի աշխատանքները
Այս մասին NEWS.am-ին տեղեկացնում են ՆԳՆ Փրկարար ծառայությունից…
Ամենաշատ
Ֆոտոռեպորտաժներ