Երկաթուղու մոտ 2,5 կմ-ը վնասվել է։ Այս մասին այսօր՝ մայիսի 27-ին, Նիկոլ Փաշինյանի հրավիրած նիստին ասաց ՏԿԵ նախարար Գնել Սանոսյանը։
«Մեծ վնասներ է կրել նաև Երկաթուղին, տարբեր կտորներ մոտ 2,5 կմ տարբեր հատվածներում բավական լուրջ վնասներ են եղել։ Բավական ժամանակ կպահանջվի Երկաթուղու կապը վերականգնելու ուղղությամբ։ Շատ լուրջ վնասներ է կրել Մ6 ճանապարհը, մոտ 8-9 հատվածներում ճանապարհը կամ ամբողջությամբ, կամ մասնակի քանդվել է: Լուրջ վնասներ է պատճառվել Մ4 միջպետական ճանապարհի հինգ հատվածներ, բայց երեկ ամբողջ օրն ափապաշտպան աշխատանքները հնարավորություն տվեցին ճանապարհը թեկուզ վնասված, բայց անցանելի պահպանել: Վաղ առավոտից արդեն հնարավոր է նաև երթևեկել Այրում-Բագրատաշեն հատվածով, շատ մեծ վնասներ չկան և ճանապարհն արդեն երթևեկելի է»,- նշեց նախարարը։
Նա հայտնեց, որ վաղն առավոտից հնարավոր է արդեն նաև երթևեկել Այրում-Բագրատաշեն հատվածով․ «Երեկ ջրածածկ էր, բայց շատ մեծ վնասներ չկար։
Սանոսյանն ասաց, որ տարհանված քաղաքացիները տեղակայվել են կամ իրենց հարազատների բնակարաններում, կամ հյուրանոցներում: 2 հղի կին բժշկական հետազոտության նպատակով տեղափոխվել է հիվանդանոց: