Աշխարհում իրականացվող հակաճգնաժամային ծրագրերը սկսել են իրենց դրական արդյունքները տալ, որոնց շնորհիվ համաշխարհային տնտեսությունն արդեն աշխուժանում է, վերականգնման փուլում է: Նման կարծիք է հայտնել Արժույթի Միջազգային Հիմնադրամի (ԱՄՀ) նախագահ Դոմինիկ Սթրոս Կանը, ընդգծելով, որ համաշխարհային տնտեսության հետագա զարգացումը կուղեկցվի արժութային համակարգի արմատական փոփոխություններով:
Նա նաեւ տեսակետ է հայտնել, որ դոլարը, որպես միջազգային արժույթ, կորցրել է իր դիրքերը և միջազգային պահուստային արժույթի կարգավիճակում դոլարը երկար չի կարող պահպանվել:
Հիշեցնենք, որ Ռուսաստանը վերջին շրջանում շատ է խոսում այդ մասին եւ ամեն ինչ անում է, որպեսզի դոլարը դուրս մղի համաշխարհային գործարքների ժամանակ կիրառվող արժույթի կարգավիճակից: Հենց այդ շրջանակում է, որ Չինաստանը, Ռուսաստանը եւ Իրանը որոշել են իրար միջեւ գործարքներ կնքելիս օգտագործել իրենց ազգային արժույթներից որեւէ մեկը: