Ֆիդել եւ Ռաուլ Կաստրոները հիվանդանոցում այցելել են Վենեսուելայի նախագահ Ուգո Չավեսին: Հիշեցնենք, Կուբայում քաղցկեղային ուռուցքի հեռացման վիրահատություն անցած Ուգո Չավեսը հետվիրահատական ապաքինման փուլում է:
Վենեսուելայի տեղեկատվության եւ կապի նախարար Անդրես Իսարան իր Twitter-ում նկարներ է տեղադրել, որտեղ երեւում է, թե ինչպես են Ֆիդել Կաստրոն եւ Չավեսը զրուցում հիվանդասենյակում` բազկաթոռներին նստած:
Կուբայի առաջնորդների հետ շփվելիս Չավեսը հեռախոսազանգ է ստացել Բրազիլիայի նախագահ Դիլմա Ռուսեֆից, որը նրան շուտափույթ ապաքինում է մաղթել եւ Բրազիլիայի նախկին նախագահ Լուիս Ինասիո Լուլա դա Սիլվայի անունից լավագույն ցանկություններ, որին նախորդ տարվա հոկտեմբերին կոկորդի քաղցկեղ էին ախտորոշել, գրում է gazeta.ru-ն:
Հիշեցնենք, Չավեսի վիրահատությունը կատարվել է Կուբայում փետրվարի 28-ի գիշերը: Վենեսուելացի առաջնորդի խոսքով` ուռուցքը երկու սմ տրամագծով առանց մետաստազների գոյացություն էր` ձեւավորված աղիքի վրա:
Մեկ օր անց Չավեսը հիվանդանոցից հայտարարել էր հայրենակիցների հանդեպ տածած իր անսահման սիրո մասին` վիրահատությունից հետո «սավառնելով ճուռակի պես»:
