«Հայփոստ» ընկերությունն իր ուշադրության կենտրոնում է պահում ինչպես պետական, այնպես էլ միջազգային կարեւորագույն հոբելյաններն ու տոները, որոնք իրենց արտացոլումն են գտնում հայկական ֆիլատելիայի մեջ` նամականիշերի, գեղաթերթիկների եւ բացիկների տեսքով:
Այսօր` մարտի 23-ին, մարվել եւ շրջանառության մեջ է դրվել ՄԱԿ-ին ՀՀ անդամակցության 20-ամյակին նվիրված «Հայաստանի Հանրապետությունը՝ Միավորված ազգերի կազմակերպության անդամ» նամականիշը: Մարումն իրականացրեցին ՀՀ ՄԱԿ-ի մշտական համակարգող Դաֆինա Գերչեւան, ՀՀ արտգործնախարար Էդվարդ Նալբանդյանը, ՀՀ տրանսպորտի եւ կապի նախարար Մանուկ Վարդանյանը:
Նամականիշի տեխնիկական տվյալներն են`
Թողարկման օրը` 23 մարտի 2012թ.
Դիզայնը` Ստեփան Ազարյան
Տպարանը` Cartor /Ֆրանսիա/
Տպագրությունը` օֆսեթ
Ատամնաշարը` սանրավոր, 13 1/4:13 1/2
Թուղթը` առանց ջրային նիշերի, 110 գ/մ2
Գույնը` բազմագույն
Անվանագինը` 350 դրամ
Նամականիշի չափերը` 40 x 24 մմ
Մեկ թերթի վրա` 10 (2x5)
Տպաքանակը` 50 000