Հայաստանում արձանագրվել է A/H1N1 վարակի կամ «խոզի գրիպի» հաստատված 28 դեպք, եւս 5 հոգի կասկածվում են վարակակիր լինելու մեջ: Այդ մասին NEWS.am-ի թղթակցի հետ զրույցում հայտնեց Հայաստանի գլխավար համաճարակաբան Արա Ասոյանը:
Վերջինս հայտնեց, որ լաբորատոր հաստատված 28 հիվանդներն էլ արդեն լիակատար բուժվել եւ դուրս են գրվել Նորքի ինֆեկցիոն հիվանդանոցից, սակայն կան 5 կասկածելի դեպքեր, որոնց հետազոտությունների արդյունքները պարզ կլինի արդեն դեկտեմբերի 5-ին: "Բայց ցավոք սրտի, մենք ունեցել ենք երկու մահվան դեպք գրիպ A-ից (սովորական գրիպից): Մեկը կին է, որ մահացել է դեկտեմբերի 1-ին՝ «Արմենիա» բժշկական կենտրոնում, մյուսը՝ մի տղամարդ՝ «Էրեբունի» բժշկական կենտրոնում:
Հիշեցնենք, որ ողջ աշխարհում «խոզի գրիպով» վարակվել են կես միլիոնից ավելի մարդ, մոտ 6,5 հազարը մահացու ելք է ունեցել: