«ՀՀ արտգործնախարարությունն, ի դեմս արտգործնախարար Էդվարդ Նալբանդյանի եւ ՀՀ փոխարտգործնախարարի, շարունակում է զբաղվել Վրաստան իմ մուտքը հնարավոր դարձնելու ուղղությամբ»,- հայտարարեց «Ջավախք» հայրենակցական միության նախագահ Շիրակ Թորոսյանը։
Նշելով, որ, հայկական կողմի հավաստմամբ, արվում է ամեն ինչ, որպեսզի ինքը կարողանա մուտք գործել Վրաստան, ԱԺ պատգամավորը, սակայն, ընդգծեց, որ մինչ օրս ՀՀ արտգործնախարարության փորձերը հաջողությամբ չեն պսակվել։ «Վրացական իշխանությունների դիրքորոշումը դեռեւս շատ կոշտ է, եւ նրանք պատրաստ չեն ինձ այդ երկիր մուտք գործելու թուլտվություն տալ»,- տեղեկացեց Թորոսյանը։
Հիշեցնենք, որ Վաստանի իշխանություններն արգելում են Շիրակ Թորոսյանին մուտք գործել Ջավախք եւ հանդիպել իր հարազատներին: Հայաստանի արտգործնախարար Էդվարդ Նալբանդյանը վերջերս հայտարարել էր, թե հայկական կողմը Շիրակ Թորոսյանի հարցը մշտապես բարձրացնում է վրացական կողմի հետ հանդիպումներում:
