Յակուտիայի Էլգինսկի ածխի հանքավայրում իրականացվող եռակցման աշխատանքների ժամանակ պայթյուն է տեղի ունեցել, կան զոհեր։ Դեպքի հանգամանքները պարզվում են, հաղորդում է Սախայի Հանրապետության դատախազությունը։

Օպերատիվ տվյալներով՝ պայթյունը տեղի է ունեցել սեպտեմբերի 26-ին՝ հանքավայրի պահուստային պոմպակայանում զոդման աշխատանքներ իրականացնելու ընթացքում։

Դատախազությունը զոհերի հստակ թիվը դեռևս չի նշում։

Յակուտիայի դատախազ Սերգեյ Դյաբկինի հանձնարարականով Ներյունգրիի շրջանային դատախազությունը ստուգումներ է սկսել դեպքի առթիվ։

Գերատեսչությունից հայտնել են, որ ստուգման արդյունքներով, հիմքերի առկայության դեպքում, կձեռնարկվեն համապատասխան դատախազական արձագանքման միջոցներ։