նախընտրելի դարձնելՎենետիկյան 69-րդ կինոփառատոնի բացմանը ներկա հանդիսատեսները ոչ միայն փառատոնը բացած ֆիլմն են վայելել, այլեւ քննարկել են աստղերի զգեստները:
Palazzo del Cinema-ի կարմիր գորգով անցել են դերասանուհի Քեյթ Հադսոնը Muse խմբի առաջնորդ Մեթյու Բելամիի հետ, Նաոմի Ուոթսը Լիվ Շրայբերի հետ եւ մոդել Լետիցիա Կաստան հպարտ մենությամբ:
Ամենից շատ տպավորիչ էր Լետիցիա Կաստան: Այս տարի ֆրանսուհին ժյուրիի անդամ է: Նա ընտրել էր Dolce & Gabbana-ից սեւ ժանյակազարդ զգեստ, որի տակից թափանցում էր ներքնագեստը:
Բոլորի հայացքները գամված են եղել նաեւ 33-ամյա Քեյթ Հադսոնին, որը ռեժիսոր Միրա Նաիրի հետ ներկայացրել էր «Ակամայից ֆունդամենտալիստ» ֆիլմը: Նրա զգեստը Atelier Versace-ի էր:
Դերասամնուհին անձամբ ոչ ոքի ուշադրություն չի դարձրել, բացի իր փեսացու Մեթյու Բելամիից: Երիտասարդները չեն ամաչել պապարացինեի խցիկներից: Նրանք իրենց հետ Վենետիկ էին բերել նաեւ կես տարեկան որդի Բինգհեմին:
Բելամիից Հադսոնը կարողացել է հեռանալ միայն, երբ լուսանկարիչները խնդրել են լուսանկարվել Նաոմի Ուոթսի հետ, որը եկել էր աջակցելու ամուսին Լիվ Շրայբերին: Նա կրում էր Chopard զարդեր:
Քանի որ Վենետիկյան կինոփառատոնը Կաննից տարբերվում է առնվազն ժողովրդավարությամբ, դերասանուհիներն արագ հանել են երեկոյան զգեստները եւ հանդես են եկել տղամարդու կերպարներով: Փակ երեկույթին Քեյթ Հադսոնը եկել է Gucci-ից սպիտակ կոստյումով:
