նախընտրելի դարձնելՍըր Փոլ Մաքքարթնին Ֆրանսիական Պատվո Լեգեոնի կոչմանն է արժանացել: Համապատասխան որոշումը ստորգարել է Ֆրանսիայի նախագահ Ֆրանսուա Օլլանդը: Պարգեւատրման երեկույթը տեղի կունենա Փարիզում սեպտեմբերի 8-ին:
Պարգեւը սահմանվել է Նապոլեոն Բոնապարտի կողմից 1802 թ-ին` միջնադարյան ասպետական շքանշանի օրինակով: Նման շքանշանի են արժանանում այն անձինք, ովքեր աչքի են ընկնում իրենց առանձնահատկությամբ եւ Ֆրանսիայի զարգացման գործում մեծ ներդրում ունեն: Պարգեւը կազմված է 5 աստիճանից` հեծյալ, սպա, հրամանատար, հռչակավոր սպա, մեծ խաչի հեծյալ: Պարգեւատրվողին պետական թոշակ կամ այլ վճարումներ են շնորհում:
Ինչպես նշում է «Մոսկովսկի կոմսոմոլեցը», սա պետական մակարդակով Մաքքարթնիի արժանիքների ճանաչման միակ փաստը չէ: Ավելի վաղ Մեծ Բրիտանիայի թագուհի Ելիզավետա II-ը նրան ասպետի կոչում է շնորհել: The Beatles-ի նախկին անդամը երաժշտության պատմության մեջ համարվում է ամենանշանավոր ստեղծագործությունների հեղինակներից մեկը:
