նախընտրելի դարձնելԱյսօր` հոկտեմբերի 10-ին, վրաերթ է տեղի ունեցել Լոռիի մարզում: Ժամը 20:30-ի սահմաններում «Ֆոլքսվագեն» մակնիշի 835 ԼՏ 62 համարանիշի վարորդը Վանաձոր-Դիլիջան ավտոճանապարհին՝ Մարգահովիտ գյուղի հատվածում, վրաերթի է ենթարկել ձիավորին եւ թողնելով անօգնական` դիմել փախուստի:
NEWS.am-ի Լոռիի թղթակցի փոխանցմամբ վթարի հետեւանքով ձին սատկել է, իսկ ձիավորը` Մարգահովիտ գյուղի բնակիչ, 64-ամյա Ալբերտ Անտինյանը մարմնական վնասվածքներով տեղափոխվել է Վանաձորի բժշկական կենտրոն:
Դեպքի վայր են ժամանել Լոռիի ճանապարհային ոստիկանների գլխավորությամբ: Դեպքի վայրում աշխատում են նաեւ Վանաձորի ոստիկանները:
Տեղում են նաեւ Ոստիկանության քննչական գլխավոր վարչության Լոռիի մարզի քննչական բաժնի քննիչներն ու Ոստիկանության Լոռու մարզային վարչության եւ Վանաձորի բաժնի օպերատիվ խմբերը:
Նշենք, որ դեպքի վայրում հայտնաբերվել է միայն հարվածող մեքենայի համարանիշը, իսկ մեքենայի մակնիշը բացահայտվել է րոպեներ առաջ:
