նախընտրելի դարձնելՔաղաքապետ Տարոն Մարգարյանը Երեւանի հեծանվահրապարակ կատարած նախորդ աշխատանքային շրջայցի ժամանակ, ծանոթանալով մարզաձեւի զարգացման ու խթանման համար մասնագետների կողմից առաջադրվող առաջնահերթություններին, խոստացել էր մայրաքաղաքի զարգացման 2013 թվականի ծրագրում ներառել նաեւ հեծանվահրապարակը պրոֆեսիոնալ նոր հեծանիվներով համալրելու հարցը:
Քաղաքապետարանի մամուլի ծառայությունից հայտնում են, որ հեծանվահրապարակ կատարած հերթական շրջայցի շրջանակում, խոստման համաձայն, արդեն ձեռքբերված 60 նոր հեծանիվները քաղաքապետն անձամբ է հանձնել պատանի մարզիկներին:
Կարեւորելով մարզադպրոցի դերը մայրաքաղաքի սպորտային կյանքի աշխուժացման հարցում, քաղաքապետ Տարոն Մարգարյանն ընդգծել է, որ քաղաքապետարանը շարունակելու է աջակցել մարզակառույցին. «Համոզված եղեք, որ յուրաքանչյուր տարի քաղաքապետարանն աջակցելու է հեծանվահարապարակին նոր հեծանիվներ ձեռք բերելու հարցում: Մեր նպատակն է զարգացնել ինչպես հեծանվասպորտը, այնպես էլ այն ծառայեցնել, որպես տրանսպորտի միջոց: Մենք նաեւ փորձելու ենք մայրաքաղաքում ստեղծել հեծանվականգառներ ու հեծանվուղիներ, որպեսզի մայրաքաղաքում հարմարավետ պայմաններ ապահովվեն նաեւ մեր այն քաղաքացիների համար, ովքեր նախընտրում են քաղաքում շրջել հեծանիվներով: Այս մշակույթը եւս մենք պետք է զարգացնենք Երեւանումե,- ընդգծել է քաղաքապետը:
Շնորհակալություն հայտնելով խնդրին արագ լուծում տալու համար, պատասխանատուները նշել են, որ 90-ական թվականներից սկսած հեծանվահրապարակը չէր համալրվել նոր գույքով, ինչը խնդիրներ էր առաջացնում ինչպես մեծ թվով մարզվողներ ընդունելու, այնպես էլ լիարժեք մրցումներ կազմակերպելու համար:
Երեխաների խնդրանով քաղաքապետ Տարոն Մարգարյանն անձամբ է փորձարկել նոր հեծանիվների հնարավորությունները:
