նախընտրելի դարձնելԿՀՎ-ի նախկին գործակալ Էդվարդ Սնոուդենը հայտնել է, որ բրիտանական հատուկ ծառայությունները քաղաքացիներին ավելի շատ են լրտեսում, քան ամերիկյանը: Ըստ Սնոուդենի` «նրանք ավելի վատն են»:
Guardian-ը հրապարակել է ԿՀՎ-ի նախկին աշխատակցի հերթական բացահայտումները: Դրանք վկայում են, որ ամբողջ աշխարհում բրիտանական հետախուզությունը գաղտնալսում է հեռախոսներ, կարդում էլեկտրոնային փոստը, սոցիալական ցանցերում գրառումները եւ հետեւում կայքերի հաճախելիությանը: Ըստ Սնոուդենի` նրանք ստացված տեղեկությունը հայտնում են նաեւ ԱՄՆ-ի հատուկ ծառայություններին, գրում է «ԱիՖ»-ը:
Հիշեցնենք, որ ավելի վաղ Սնոուդենը բրիտանական թերթերին էր հանձնել դատական այն փաստաթուղթը, որով թույլատրվել էր գաղտնալսել ԱՄՆ-ում խոշոր Verizon օպերատորի բոլոր բաժանորդների հեռախոսազրույցները: Նա հայտնել էր նաեւ PRISM ծրագրի մասին, որի շրջանակում ամերիկյան հատուկ ծառայությունները հասանելիություն ունեին էլեկտրոնային փոստի նկատմամբ, կարդում էին սոցցանցերի անձնական նամակները:
