նախընտրելի դարձնել
Որոնման «Aviasales.ru» համակարգի մասնագետները զբոսաշրջիկների շրջանում հետաքրքրության աճ են արձանագրում Հայաստանի, Ադրբեջանի եւ Վրաստանի նկատմամբ:
Միաժամաակ զբսաշրջիկների թվի աճը չի ազդում դեպի Երեւան ավիատոմսի վրա, «Ինտերֆաքս տուրիզմին» ասել են «Aviasales.ru»-ից: Օրինակ, արդեն հիմա սեպտեմբերի համար կարելի է Երեւանում երկարատեւ «week-end» պլանավորել: Տոմսի արժեքը կկազմի մոտավորապես 14 հազ. ռուբլի, թեեւ տեղում արդեն զբոսաշրջիկի սպասարկումն անհամեմատ ավելի էժան կլինի, իսկ հյուրանոցների` անգամ «5 աստղանի» արժեքը հազվադեպ է գերազանցում 6 հազար ռուբլին:
Ինչ վերաբերում է Վրաստանին, ապա եթե համեմատվի 2012-ի հունիսը 2013-ինի հետ, տարբերությունը հասնում է 27%-ի: Համակարգի հիմնադիր Կոնստանտին Կալինովը դա բացատրել է ուղիղ չվերթների վերսկսմամբ, «բացի այդ, Վրաստանի մասին ռուսաստանյան լրատվամիջոցներն իսկապես շատ են գրում զբոսաշրջային համատեքստում»:
Բաքուն եւս այս տարի, ըստ «Aviasales.ru»-ի տոմսերի վաճառքի քանակության, 30%-ով ավելի շատ ռուսաստանցի զբոսաշրջիկ է ընդունելու:
