Գնդապետ Արտակ Բուդաղյանի վիճակը լավ է, նա այժմ գտնվում է իր տանը եւ, հավանաբար, բուժումը կշարունակի տանը: Այս մասին Aysor.am-ի թղթակցի հետ զրույցում ասել է Ա. Բուդաղյանի եղբայրը` Արայիկ Բուդաղյանը:

Հարցին` ճի՞շտ է, որ Սյունիքի նախկին մարզպետ Սուրիկ Խաչատրյանը փորձում է հաշտության եզրեր գտնել իրենց ընտանիքի հետ, այդ թվում նաեւ միջնորդների միջոցով, Ա. Բուդաղյանը նշեց. «Որեւէ մեկը իրավունք չունի նման բան անելու եւ հաշտության մասին խոսելու»:

Ա. Բուդաղյանը հրաժարվել է խոսել հարուցված քրեական գործի ընթացքից: Նաեւ չի ցանկացել պատասխանել արդյոք որոշակի հույսեր կապո՞ւմ է ՀՀ ոստիկանապետ Վլադիմիր Գասպարյանին ուղարկված նամակի հետ, ինչպես նաեւ՝ արդյոք ապացույցներ ունե՞ն, որ Ս. Խաչատրյանի տանը անաչառ խուզարկություն չի կատարվել:

Ա. Բուդաղյանը, սակայն, նշել է, որ հույսեր կապում է մեր պետությունում արդարադատության հետ: