Ապօրինի զենք-զինամթերք պահելու կասկածանքով  երեկ` հոկտեմբերի 29–ին, ոստիկանության Մարաշի բաժանմունք բերման է ենթարկվել 4 հոգի Այս մասին NEWS.am-ի թղթակցին հայտնեցին ոստիկանության լրատվական ծառայությունից:

Բերման էր ենթարկվել Աշոտ Մ-ն՝  իր Audi A7 մակնիշի մեքենայով, Ստանիսլավ Հ-ն, Ռոբերտ Մ-ն եւ Սամվել Հ-ն:

Խուզարկությամբ ավտոմեքենայի բեռնախցիկում հայտնաբերվել է ռետինեմ մահակ: Դեպքի առթիվ ոստիկանությունում նյութեր են նախապատրաստվում:

Ի դեպ, shamshyan.com-ի տեղեկություններով՝  Աշոտ Մ-ն Ազգային ժողովի պատգամավոր, «Դերժավայի Արկադ» մականվամբ Արկադի Համբարձումյանի քրոջ տղան է, «Դերժավայի Սլավի» թոռը: Բերման ենթարկվածներից 17-ամյա Սատնսիլավ Հ-ն պատգամավոր Արկադի Համբարձումյանի տղան է, իսկ Ռոբերտ Մ-ն  հայտնի գործարար «Բենզին Ռուբո» մականվամբ , ԲՀԿ-ական Ռուբեն Մասումյանի տղան է: