նախընտրելի դարձնելԲազմամիլիոնանոց յուրացումների մեջ մեղադրվող, սնանկացման պատճառով լուծարված «Կեմերովսկի մելկոմբինատ» ՓԲԸ-ի սեփականատեր Դմիտրի Ռիժենկովը հունվարի 14-ի առավոտյան սպանվել է իր տան մոտ։
Կատարվածի մասին տեղեկացրել է Ռիժենկովի վարորդը, որը վաղ առավոտյան մեքենայում նստած սպասելիս է եղել նրան։ Վարորդը ձայն է լսել եւ տեսել, որ տուժածն ընկել է։ Նրա մարմնին հրազենային վնասվածքներ են հայտնաբերվել։ Դեպքի վայրում աշխատում են ՌԴ ՔԿ Կեմերովոյի մարզի քննիչները, հայտնում է «Ինտերֆաքսը»։
Դ. Ռիժենկովը քրեական գործի ֆիգուրանտ էր, որը հարուցվել էր «Կեմերովսկի մելկոմբինատ» ՓԲԸ-ի պահեստներից 90 մլն ռուբլու չափով շուրջ 16 հազար տոննա հացահատիկի կորստի կապակցությամբ։
Ըստ քննության՝ Դ. Ռիժենկովը առեւտրային մի քանի կազմակերպությունների փաստացի սեփականատերն ու ղեկավարն էր, նա մի շարք ապօրինի սխեմաներ է իրականացրել, որում նրան օգնել են վարկային հաստատություններում, պետական կառույցներում, ինչպես նաեւ գյուղատնտեսական ապրաքնների շուկայում ունեցած բազմաթիվ կապերը ։ Իրեն ենթակա գյուղատնտեսական հատվածի կազմակերպությունների օգնությամբ՝ նա մի քանի վարկ է ձեւակերպել, որոնց պարտքերը չեն վճարվել վարկառու ձեռնարկությունների սնանկացման պատճառով։
