նախընտրելի դարձնելՊաղեստինում մի քանի տասնյակ մարդ ձու եւ կոշիկներ է նետել բանակցությունների նպատակով երկիր ժամանակ Կանադայի ԱԳ նախարարի ավտոշարասյան ուղղությամբ: Այս մասին գրում է Associated Press-ը:
Գործակալության փոխանցմամբ, Կանադայի ԱԳ նախարար Ջոն Բերդը կիրակի պետք է հանդիպի պաղեստինցի գործընկեր Ռիադ Մալքիի հետ:
Ցուցարարները նաեւ «Բերդ, Պաղեստինում չեն սպասում քեզ» գրությամբ պաստառներ են պարզել: Ավելի վաղ ակտիվիստները կոչ էին արել Կանադայի իսրայելամետ դիրքորոշման պատճառով բոյկոտել այդ երկրի ԱԳՆ ղեկավարին:
Ծրագրվում է, որ Բերդը տարածաշրջանում կմնա 5 օր եւ հանդիպումներ կունենա իսրայելական եւ պաղեստինյան պաշտոնատար անձանց հետ:
Պաղեստինցիները դժգոհ են, որ Կանադան մշտապես աջակցում է Իսրայելի ցանկացած գործողության եւ ՄԱԿ-ի բոլոր քվեարկություններում հանդես է գալիս նրա օգտին:
