նախընտրելի դարձնել
Ռուսաստանցի ընդդիմադիր գործիչ Բորիս Նեմցովի սպանության կատարողները հնարավոր է սպանության պատվերն ստացած լինեին դեռեւս 2014 թվականի կեսերին: Այս մասին հաղորդում է «Ինտերֆաքսը»՝ վկայակոչելով իր աղբյուրը:
«Հետաքննությունը ցույց է տալիս, որ աշնանն արդեն սկսվել է սպանության ակտիվ նախապատրաստությունը, իսկ պատվերը եղել է դրանից առաջ: Այս գործով կալանավորված անձանց կողմից մեքենա ձեռք բերելու, բնակարաններ վարձելու ամսաթվերը հաստատում են այդ վարկածը: Ուսումնասիրվել է նաեւ Նեմցովի տան մոտ տեղադրված տեսախցիկների տեսաձայնագրությունները»,-ասել է գործակալության զրուցակիցը:
