նախընտրելի դարձնել
Հայաստանի Ֆինանսների նախարարությունը նոր Հարկային օրենսգրքի նախնական նախագիծ է մշակել։ Ինչպես հոկտեմբերի 8-ի Կառավարության նիստի ժամանակ հայտարարել է ֆինանսների փոխնախարար Պավել Սաֆարյանը, հարկային օրենսգիրքն ընդունվել էր 1993-94 թվականներին, բայց դրանից հետո մեծ թվով իրավիճակային շտկումների կարիք է ունեցել։
«Մեզ եւ հարկատուներին կայուն օրենսդրություն է անհրաժեշտ առաջիկա տարիների համար», - հայտարարել է Սաֆարյանը։
Հարկային օրենսգիրքը միասնական ընթացակարգեր կառաջարկի հարկերի բոլոր տեսակների կառավարման համար։
«Մեր հարկային դաշտն այնքան զարգացած է, որ կարող ենք դրա համար առանձին օրենսգիրք ստեղծել։ Նախատեսված բարեփոխումները պիտի իրականացվեն 3-5 տարում, որպեսզի ապահովվի դրանց սահուն ներդրումը, այդ թվում նաեւ՝ պետբյուջեի համար», - հայտարարել է նա։
Հարկային օրենսգիրքը հնարավորինս կկրճատի արտոնությունները, որոնք կփոխարինվեն սուբսիդիաներով։
Նախագիծն ուժի մեջ կմտնի 2018-ի հունվարի 1-ից, մինչ այդ, պիտի մանրամասնորեն քննարկվի։
