նախընտրելի դարձնել
Հետաքննությունը պարզել է մալայզիական Boeing –ի ջախջախման մեջ կասկածվողների անունները, ասվում է Նիդերլանդների դատախազության հաղորդագրության մեջ, որը մեջբերում է Reuters գործակալությունը։
Դատախազության տեղեկությունների համաձայն, քրեական հետաքննությունը շարունակվում է եւ այս տարի չի ավարտվի, տեղեկացնում է ՏԱՍՍ-ը։
Մալազիական ավիաուղիների (Malaysia Airlines) ուղեւորատար Boeing 777-200ER ինքնաթիռը, որն Ամստերդամից (Նիդերլանդներ) դեպի Կուալա-Լումպուր (Մալազիա) թիվ MH17 չվերթ էր իրականացնում, ջախջախվել է 2014 –ի հուլիսի 17-ին՝ Դոնեցկի շրջանի արեւելքում։
Զոհվել է 283 ուղեւոր եւ անձնակազմի 15 անդամ՝ 10 երկրի քաղաքացի։ Աղետի պատճառների վերաբերյալ վարկածներից մեկը «երկիր-օդ» կամ «օդ-երկիր» հրթիռին բախվելն է։
