29 մարդ վնասվել է հրդեհի հետեւանքով, որը բռնկվել է Բոսնիայի Վելիկա Կլադուշա քաղաքի միգրանտների ճամբարում, տեղեկացնում է Reuters-ը՝ հղում կատարելով տեղի ոստիկանությանը։

Տարածաշրջանային ոստիկանության մամուլի քարտուղար Ալե Սիլիյդեդիչը տեղեկացրել է, որ վնասվածքներ ստացածներին տեղափոխել են հիվանդանոց։

Ճամբարում ապրում  է 500 միգրանտ։

Հրդեհը մարելու համար  դեպքի վայր են ժամանել հրշեջ բրիգադներ։

Ինչպես նշում է գործակալությունը՝ հղում կատարելով երկրի անվտանգության ծառայություններին, անցած տարի Ասիայից եւ Հյուսիսային Աֆրիկայից Սերբիայի եւ Չեռնոգորիայի միջով մոտ 25 հազար մարդ է եկել երկիր, եւս 600 մարդ Բալկաններ եկել է արդեն այս տարի։