ԱՄՆ Սենատը քվեարկել է Կիպրոսին զենք մատակարարելու հին արգելքի չեղարկման օգտին:Այս միջոցներն ընդունվել են 2020 թվականի պաշտպանական բյուջեի շրջանակում դեմակրատ սենատոր Բոբ Մենենդեսի կողմից ներկայացված փոփոխության միջոցով, հաղորդում է Ekathimerini-ն:

Փոփոխությունում օգտագործվում է նույն լեզուն, ինչեւ եւ Արեւելյան Միջերկրածովյան տարածաշրջանում անվտանգության եւ գործընկերության մասին օրենքում  ԱՄՆ-ի եւ Կիպրոսի, Իսրայելի եւ Հունաստանի էներգետիկ համագործակցության ամրապնդման համար, որը հավանության է արժանացել Սենատի արտաքին կապերի կոմիտեի կողմից: Այնուամենայնիվ, այն նաեւ պահանջում է, որպեսզի Կիպրոսը շարունակի բարեփոխել փողերի լվացման դեմ պայքրաի օրենսդրությունը եւ ջանքներ ձեռնարկի ռուսաստանյան նավերին արգելելու հասանելիությունն իր նավահանգիստներին:

Փոփոխությունը Նիկոսիայում վերապահությամբ է ընդունվել: Նախագահ Նիկոս Անաստասիադեսն ասել  է, որ դա ազդում է Կիպրոսի Հանրապետության անկախության  եւ ինքնիշխանության վրա:

«Ինձ մոտ տպավորություն է, որ այդ փոփոխությունը անհաջող է եղել»,- ասել է նա:

Մենենդեսը ողջունել է Սենատի որոշումը:

«Սենատը Կիպրոսում եւ ամբողջ աշխարհում մեր գործընկերներին ցույց  է տվել, որ ԱՄՆ-ն հանձնառու  է Արեւելյան Միջերկրածովյան տարածաշրջանում խնդիրների լուծմանը», - ասել է Մենենդեսը:

 «Քանի որ Կիպրոսը ձգտում է խորացնել իր ռազմավարական գործընկերությունը ԱՄՆ-ի հետ, մեր ագային անվտանգության եւ տնտեսական շահերից  է  բխում հանել սպառազինությունների համար այդ տասնամյակներով հնացած սահմափակումները, որոնք այլեւս չեն օգնում ԱՄՆ անվտանգության նպատակներին: Ես անհամբերությամբ սպասում եմ իմ գործընկերների հետ աշխատանքի շարունակմանը, որպեսզի մենք ճարտարապետության նոր դարաշրջան բացենք Արեւելյան Միջերկրածովյան տարածաշրջանում, որը հիմնված է ընդհանուր անվտանգության եւ բարգավաճման վրա», - հավելել է նա: